Ceisteanna Coitianta Cuardaitheora Poist

Agus tú cláraithe ar JobsIreland.ie, is féidir leat:

• iarratais a dhéanamh ar phoist agus súil a choinneáil ar d’iarratais phoist.
• fógraí ríomhphoist a fháil bunaithe ar do roghanna poist.
• CV a chur le chéile ag baint úsáide as d’fhaisnéis phróifíle.
• teachtaireachtaí a fháil agus a fhreagairt ó fhostóirí leasmhara.

Tá roinnt bealaí ann chun post a chuardach:

• Téigh chuig an leathanach Cuardaigh Poist agus úsáid na roghanna cuardaigh agus scagtha ag barr an leathanaigh.
• Cuir isteach an ghairm atá á lorg agat sa bhosca cuardaigh.
• Má tá fostóir ar leith ar intinn agat, cuir isteach ainm an fhostóra mar eochairfhocal chun a bhfolúntais a aimsiú.
• Má tá poist á lorg agat i láthair ar leith, cuir isteach ainm na cathrach sa bhosca cuardaigh.
• Bain úsáid as na scagairí faoin gcnaipe Tuilleadh Roghanna chun do chuardach a bheachtú a thuilleadh.

Chun iarratas a dhéanamh ar phost:

• Logáil isteach i do chuntas JobsIreland. Déan cinnte go bhfuil do phróifíl Chuardaitheora Poist suas chun dáta agus go bhfuil na réimsí riachtanacha comhlánaithe.
• Cliceáil ar Cuir Isteach ar an bpost a bhfuil suim agat ann. Ansin, feicfidh tú tuilleadh treoracha maidir le conas leanúint ar aghaidh le d’iarratas.

• Le haghaidh scéimeanna RCS amhail Fostaíocht Phobail, déan Cláraigh do Spéis a chliceáil nó déan teagmháil le d’Oifig Intreo áitiúil.

Is féidir. Is féidir leat breathnú ar na poist a ndearna tú iarratas orthu ar an leathanach Mo Chuid Iarratas. Ní léireofar ach na hiarratais a comhlánaíodh agus a cuireadh isteach go díreach trí JobsIreland. Ní léireofar aon iarratas a rinneadh lasmuigh de JobsIreland ar an leathanach sin.

Úsáideann meaitseáil poist an fhaisnéis atá ar do phróifíl chuardaitheora poist chun thú a mheaitseáil le poist a fhógraítear ar JobsIreland.ie.

Chun do mheaitseálacha poist a fheabhsú, déan cinnte go bhfuil do phróifíl Chuardaitheora Poist comhlánaithe.

Léireofar poist a mheaitseálann do phróifíl ar an leathanach Meaitseáil Post. Do gach post, is féidir leat na nithe seo a leanas a fheiceáil:

• Do scór meaitseála foriomlán.
• Conas a oireann an post do d’ionchais.
• Cé chomh maith agus a oireann do phróifíl do riachtanais an phoist.
• Tuilleadh sonraí faoi Conas a Mheaitseálann Tú, a léiríonn na réimsí ina mheaitseálann do phróifíl agus an post.

Má mheaitseáiltear do phróifíl le folúntas, beidh an fhostóir a d’fhógair an post in ann do chuid faisnéise próifíle a fheiceáil chomh maith.

Is féidir. Is féidir bainistiú a dhéanamh ar cé mhéad de do chuid faisnéise próifíle a roinntear le fostóirí faoi Phríobháideacht agus Infheictheacht ar do phróifíl.

Tá trí rogha ann:

• Infheicthe – Is féidir le fostóirí do phróifíl iomlán a fheiceáil nuair a mheaitseálann tú lena bhfolúntas.
• Infheictheacht Theoranta – Is féidir le fostóirí do phróifíl a fheiceáil, ach déantar faisnéis phearsanta agus inaitheanta a fholú. Áirítear leis sin d’ainm, do shonraí teagmhála, agus eolas amhail ainmneacha na bhfostóirí i do stair fostaíochta.
• Príobháideach – Ní léireofar do phróifíl d’fhostóirí, fiú sa chás go meaitseáiltear thú le folúntas.

Gheobhaidh. Nuair a mheaitseáiltear poist nua le do phróifíl, gheobhaidh tú fógra ríomhphoist chun é sin a chur in iúl duit.

Is féidir leat na ríomhphoist sin a bhainistiú faoi Shocruithe Fógraí agus iad a chasadh as ag am ar bith.

Déan cinnte go bhfuil do CV i gceann de na formáidí comhaid inghlactha. Is féidir leat comhad Word nó PDF suas le 5 MB a uaslódáil.

Is féidir leat eolas a aimsiú faoi thacaíochtaí fostaíochta, oiliúint, agus seirbhísí Intreo i rannáin Seirbhísí Intreo do Chuardaitheoirí Poist, Tacaíochtaí Oideachais agus Oiliúna agus Tuilleadh Acmhainní den roghchlár Cuardaitheora Poist.

Is féidir leat cabhair a fháil le húsáid a bhaint as JobsIreland.ie ar bhealaí éagsúla.

• Cuir ríomhphost chuig ár bhfoireann tacaíochta ag  jobsireland@welfare.ie.
• Cuir glaoch ar ár lárionad tacaíochta ó 9am go 5pm, Luan go hAoine ar 0818 111 112.